BUGUNGI KUNDA O‘ZBEK ADABIYOTIDA ZAMONAVIY ROMANCHILIK VA UNDA LUQMON BO‘RIXONNING O‘RNI

Abstract

Bugungi o‘zbek adabiyotida roman janri inson, jamiyat va davr munosabatlarini keng badiiy ko‘lamda ifodalash imkonini beruvchi muhim nasriy janrlardan biri hisoblanadi. Ayniqsa, mustaqillik davrida o‘zbek romanchiligida mavzu, qahramon, badiiy tafakkur va ifoda usullari jihatidan yangilanishlar yuz berdi. Adabiyotshunos Z.J.Pardayeva mustaqillik davri o‘zbek romanchiligini rivojlanish bosqichlari asosida tahlil qilib, 1990–2000-yillar hamda 2000-yillardan keyingi davr romanlarida badiiy tafakkur va ifoda shakllarining o‘zgarib borganini ta’kidlaydi [1]. Bu jarayonda roman janrining an’anaviy imkoniyatlari bilan bir qatorda yangi badiiy izlanishlar ham yuzaga kelgan.