ORGANIK REAGENTLAR YORDAMIDA MODIFIKATSIYALANGAN KRAXMAL ASOSIDAGI POLIMER YELIMLOVCHI KOMPOZITSIYALARNI OLISH TEXNOLOGIYASI

Abstract

Mavzuning dolzarbligi. So'nggi yillarda sanoatda sintetik va neft mahsulotlariga asoslangan polimer yelimlar o'rniga ekologik xavfsiz, qayta tiklanuvchi xomashyo bazasidan foydalanishga bo'lgan talab ortib bormoqda. Tabiiy polisaxarid hisoblangan kraxmal arzonligi va atrof-muhit uchun beziyonligi bilan ajralib tursa-da, uning suvga chidamsizligi va mexanik mustahkamligining pastligi to'g'ridan-to'g'ri foydalanishni cheklaydi. Shu sababli, kraxmalni organik reagentlar yordamida kimyoviy modifikatsiyalab, yuqori yelimlash xususiyatiga ega kompozitsiyalar olish texnologiyasini ishlab chiqish g'oyat dolzarb hisoblanadi.