ЙЎЛДОШНИНГ БАЧАДОН ДЕВОРИГА ПАТОЛОГИК ЎСИБ КИРИШИДА ГИСТОМОРФОЛОГИК ЎЗГАРИШЛАРНИ БАҲОЛАШ

Abstract

 Йўлдошнинг бачадон деворига патологик ўсиб 
кириши (Placenta accreta spectrum — PAS) ҳомиладорлик ва туғруқнинг 
оғир акушерлик асоратларидан бири бўлиб, унинг патогенезида 
эндометрий–миометрий чегарасидаги морфофункционал ўзгаришлар, 
децидуал қаватнинг етишмовчилиги ва трофобласт инвазиясининг 
чуқурлашиши муҳим аҳамиятга эга. Патологик инвазия жараёнида 
хорион ворсинкаларининг децидуал тўқима орқали миометрийгача етиб 
бориши, бачадон девори тузилмаларининг қайта қурилиши, қон 
томирларининг морфологик ўзгаришлари ва стромал компонентнинг 
ремоделланиши кузатилиши мумкин. Инвазия чуқурлиги ортиши билан 
ушбу ўзгаришларнинг яққоллиги ҳам кучайиб, плацентанинг ажралиши 
қийинлашиши ва туғруқ вақтида катта ҳажмда қон кетиши хавфини 
оширади [2].