MAKTAB DIREKTORINING KASBIY KOMPETENSIYASINI RIVOJLANTIRISHNING ZAMONAVIY ILMIY YONDASHUVLARI
Keywords:
Maktab direktori kasbiy kompetensiyasini rivojlantirish masalasi aynan shu sababli zamonaviy pedagogika, ta’lim menejmenti va rahbarlik nazariyasining kesishgan nuqtasida shakllanayotgan ilmiy muammolardan biridir. Mazkur muammoni tadqiq etishda yagona yondashuvdan foydalanish kompetensiyaning ko‘p qirrali tabiatini to‘liq ochib bera olmaydi. ShuningAbstract
Bugungi kunda umumiy o‘rta ta’lim tizimida amalga oshirilayotgan
institutsional va pedagogik o‘zgarishlar maktab rahbarining professional
faoliyatiga qo‘yiladigan talablarning kengayishiga olib kelmoqda. Maktab
direktori faoliyatining mazmuni an’anaviy ma’muriy vazifalarni bajarishdan
tashqari, ta’lim sifatini rivojlantirish, pedagoglarning kasbiy salohiyatini
qo‘llab-quvvatlash, innovatsion jarayonlarni muvofiqlashtirish, raqamli
imkoniyatlardan samarali foydalanish, manfaatdor tomonlar bilan hamkorlik
qilish hamda ta’lim muassasasining strategik rivojlanishini ta’minlash kabi
yo‘nalishlarni qamrab olmoqda. Maktab direktorining kasbiy kompetensiyasi
ta’lim muassasasining boshqaruv salohiyatini belgilovchi muhim omillardan
biri sifatida namoyon bo‘ladi. Zamonaviy rahbar uchun faqat mavjud me’yoriy
hujjatlarni bilish yoki ma’muriy topshiriqlarni bajarishning o‘zi yetarli emas.
U murakkab pedagogik va tashkiliy vaziyatlarni tahlil qilishi, turli manfaatlarni
muvofiqlashtirishi, mavjud resurslardan oqilona foydalanishi, o‘zgarishlarni
oldindan ko‘ra olishi va professional faoliyatini yangi sharoitlarga mos
ravishda takomillashtirib borishi lozim.
