O‘ZBEK XALQ MAQOLLARIDA GRADUONIMIYA HODISASINING LEKSIK-SEMANTIK XUSUSIYATLARI

Abstract

 Maqolada o‘zbek xalq maqollari tarkibidagi leksemalarning 
graduonimik munosabatlari tahlil qilinadi. Xususan, “Bilganing daryo bo‘lsa, 
bilmaganing dengiz”, “Toy mingan ot ham minar”, “Kunning g‘ami sahardan, 
yilning g‘ami bahordan”, “Kaptar bo‘lib tug‘ilgansan, qarg‘a bo‘lib o‘lma” 
maqollaridagi darajalanish munosabatlari semantik jihatdan tadqiq etiladi. 
Tadqiqot natijasida maqollarda hajm, vaqt, yosh hamda baholash semalari 
asosida shakllangan graduonimik qatorlar xalq tafakkurining obrazli ifodasini 
ta’minlashi aniqlandi.