KICHIK BIZNES SUBYEKTLARIDA INNOVATSION BOSHQARUVNI MOLIYAVIY QO‘LLAB-QUVVATLASH MEXANIZMLARINI TAKOMILLASHTIRISH
Keywords:
kichik biznes, innovatsion boshqaruv, moliyaviy qo‘llab quvvatlash, innovatsion faoliyat, kreditlash, investitsiya, venchur kapital, grant, raqamli moliyalashtirish, davlat qo‘llab-quvvatlashi.Abstract
Mazkur tezisda kichik biznes subyektlarida innovatsion
boshqaruvni moliyaviy qo‘llab-quvvatlash mexanizmlarining mazmuni,
mavjud imkoniyatlari va ularni takomillashtirish yo‘nalishlari tadqiq etilgan.
Kichik biznesning innovatsion faoliyati yangi mahsulot va xizmatlarni yaratish,
ishlab chiqarish jarayonlarini modernizatsiya qilish, raqamli texnologiyalarni
joriy etish hamda boshqaruv samaradorligini oshirishda muhim omil
hisoblanadi. Biroq innovatsion loyihalarning yuqori boshlang‘ich xarajatlari,
moliyaviy resurslarning cheklanganligi, kredit olishdagi talablar va investitsion
risklarning yuqoriligi kichik biznes subyektlari uchun muayyan muammolarni
yuzaga keltiradi. Tadqiqotda ushbu muammolarni kamaytirish maqsadida
imtiyozli kreditlash, kafillik va sug‘urta mexanizmlarini rivojlantirish, venchur
moliyalashtirish, grantlar, raqamli moliyalashtirish platformalari hamda
natijaga
yo‘naltirilgan
davlat
qo‘llab-quvvatlash
instrumentlaridan
foydalanishni kengaytirish taklif etilgan. Shuningdek, moliyaviy qo‘llab
quvvatlashni kichik biznes subyektlarining innovatsion salohiyati va
loyihalarning iqtisodiy samaradorligiga bog‘lash zarurligi asoslangan.
