RAPS SHROTIDAN KAM GLYUKOZINOLATLI OQSIL QO‘SHIMCHASI OLISH VA UNI GO‘SHTLI MAHSULOTLARDA SOYA OQSILI O‘RNIDA QO‘LLASH TEXNOLOGIYASI
Keywords:
raps shroti, glyukozinolat, o‘simlik oqsili, oqsil qo‘shimchasi, oqsil konsentrati, soya oqsili, go‘sht mahsulotlari, emulsiya, suvni bog‘lash, oziq-ovqat texnologiyasi.Abstract
Shu tadqiqotning asosiy maqsadi moy ishlab chiqarish
jarayonining oqsilga boy ikkilamchi mahsuloti hisoblangan raps shrotidan
oziq-ovqat sanoatida foydalanish imkoniyatlarini kengaytirish va uni go‘sht
mahsulotlari ishlab chiqarishda soya oqsiliga muqobil mahalliy oqsil manbai
sifatida qo‘llash texnologiyasini ishlab chiqishdir. Tadqiqotda glyukozinolat
miqdori nisbatan past bo‘lgan raps shroti xomashyo sifatida tanlanib, undan
oqsil fraksiyasini ajratib olish, antinutritiv moddalar miqdorini kamaytirish va
oqsilning funksional xususiyatlarini yaxshilashga yo‘naltirilgan texnologik
yondashuv taklif etiladi. Olingan oqsil qo‘shimchasining suv hamda yog‘ni
bog‘lash, emulsiyalash, gel hosil qilish va go‘sht massasining strukturaviy
barqarorligiga ta’siri baholanadi. Tadqiqot natijalari mahalliy oqsil
resurslaridan samarali foydalanish, import qilinadigan soya oqsili ulushini
kamaytirish va yuqori qo‘shilgan qiymatga ega oziq-ovqat ingredientlarini
yaratishga xizmat qilishi kutiladi.
