OLIY TA’LIM TALABALARIDA KREATIV KOMPETENSIYALARNI SUN’IY INTELLEKT TEXNOLOGIYALARI ASOSIDA RIVOJLANTIRISH METODIKASI
Keywords:
Kreativ kompetensiya, oliy ta’lim, sun’iy intellekt, generativ sun’iy intellekt, innovatsion ta’lim, kreativ fikrlash, raqamli kompetensiya, loyiha metodi, mustaqil ta’lim, akademik halollikAbstract
Mazkur maqolada oliy ta’lim talabalarida kreativ kompetensiyalarni rivojlantirishda sun’iy intellekt texnologiyalaridan foydalanishning pedagogik imkoniyatlari va metodik asoslari yoritilgan. Zamonaviy ta’lim jarayonida talabalarning mustaqil fikrlashi, muammolarga yangicha yondashishi, innovatsion g‘oyalarni ilgari surishi va ijodiy mahsulot yaratishi muhim kompetensiyalardan biri hisoblanadi. Sun’iy intellekt texnologiyalari esa mazkur jarayonni qo‘llab-quvvatlash, individual ta’lim imkoniyatlarini kengaytirish, g‘oyalarni generatsiya qilish va muammoli vaziyatlarni modellashtirish uchun qo‘shimcha imkoniyatlar yaratadi. Maqolada kreativ kompetensiyaning tarkibiy qismlari, sun’iy intellekt vositalaridan foydalanish bosqichlari, muammoli va loyiha asosida ta’lim, “AI bilan hamkorlikda g‘oya yaratish”, refleksiv tahlil hamda ijodiy topshiriqlar asosida talabalar kreativligini rivojlantirish metodikasi taklif etilgan. Shuningdek, sun’iy intellektdan foydalanishda akademik halollik, axborotning ishonchliligi, mualliflik huquqi va insonning mustaqil fikrlashini saqlab qolish masalalariga alohida e’tibor qaratilgan.
