BO‘LAJAK INGLIZ TILI O‘QITUVCHILARINING KOMMUNIKATIV KOMPETENSIYASINI PRAGMATIK TAHLIL VOSITASIDA RIVOJLANTIRISHDA METODIK MASHQLARNING O‘RNI

Abstract

Mazkur maqolada bo‘lajak ingliz tili o‘qituvchilarining kommunikativ kompetensiyasini pragmatik tahlil vositasida rivojlantirishda metodik mashqlarning o‘rni nazariy-metodik jihatdan asoslanadi. Tadqiqotda kommunikativ va pragmatik kompetensiya tushunchalarining o‘zaro aloqasi, nutqning kontekstga mosligi, nutq aktlari, ijtimoiy masofa, kommunikativ maqsad, xushmuomalalik va pragmalingvistik vositalardan foydalanish masalalari yoritiladi. IMRAD talablari asosida tashkil etilgan maqolada tahliliy, qiyosiy, modellashtirish va pedagogik loyihalash metodlaridan foydalanildi. Natijada bo‘lajak o‘qituvchilar uchun vaziyatli, tahliliy, transformatsion, dialogik, rolga asoslangan va refleksiv metodik mashqlardan iborat tizim taklif etildi. Mashqlarni oddiy shaklni takrorlashdan ko‘ra, “kontekstni anglash – pragmatik maqsadni aniqlash – variantlarni qiyoslash – nutqni ishlab chiqish – refleksiya” ketma-ketligida tashkil etish maqsadga muvofiqligi asoslandi. Maqola natijalari ingliz tili o‘qituvchilarini kasbiy tayyorlash, amaliy mashg‘ulotlar va kommunikativ yo‘nalishdagi o‘quv-metodik materiallarni ishlab chiqishda qo‘llanishi mumkin