XALQARO OBLIGATSIYALAR BOZORI ORQALI TIJORAT BANKLARI LOYIHALARINI MOLIYALASHTIRISH IMKONIYATLARI

Abstract

Yevroobligatsiyalar bozori hozirda dunyodagi eng yirik xalqaro qarz bozorlaridan biri sifatida shakllangan. Ma’lumotlarga ko‘ra, bugungi kungacha 130 dan ortiq davlatdan 12 mingdan ziyod yuridik shaxslar tomonidan umumiy qiymati 13,2 trillion yevrodan oshadigan yevroobligatsiyalar emissiya qilingan. Ushbu moliyaviy instrumentdan hukumatlar, xalqaro tashkilotlar, moliya institutlari hamda yirik korporatsiyalar foydalanadi. Yevroobligatsiyalarning asosiy afzalliklaridan biri shuki, ular Xalqaro Markaziy Depozitariylar (ICSDs) orqali keng ko‘lamli global investorlar bazasiga chiqish imkonini beradi.[1] Yevroobligatsiyalar (eurobond) — emitent mamlakatidan tashqarida qattiq valyutada joylashtiriladigan obligatsiyalar bo‘lib, hozirgi kunda ularni istalgan davlat chiqarishi mumkin. Ko‘pincha ushbu obligatsiyalar yevro yoki AQSH dollarida emissiya qilinadi