PAXTA XOM ASHYOSIDAN OG‘IR ARALASHMALARNI AJRATISH UCHUN LGAN CHIZIQLI TUTKICH KONSTRUKSIYASINI TAKOMILLASHTIRISH

Abstract

Paxta xom ashyosini dastlabki qayta ishlash jarayonida uning tarkibida mavjud bo‘lgan og‘ir aralashmalar, jumladan, tosh, metall hamda zichligi yuqori bo‘lgan boshqa begona jismlar texnologik mashinalarning ishchi organlariga salbiy ta’sir ko‘rsatadi. Mazkur aralashmalarning texnologik jarayonning keyingi bosqichlariga o‘tib ketishi paxtani tozalash, jinlash va tolaga ishlov berish uskunalarining ishchi qismlarida turli xil mexanik shikastlanishlarning yuzaga kelishiga sabab bo‘lishi mumkin. Ayniqsa, metall va tosh zarrachalarining yuqori tezlikda aylanayotgan yoki harakatlanayotgan ishchi organlar bilan to‘qnashishi yong‘in yuzaga kelish xavfini ham oshiradi.