QISHLOQ XO‘JALIGI KORXONALARINI MOLIYAVIY QO‘LLAB-QUVVATLASH MEXANIZMINI TAKOMILLASHTIRISH YO‘NALISHLARI

Abstract

Jahon iqtisodiyotida qishloq xo‘jaligi oziq-ovqat xavfsizligini ta’minlash, sanoat korxonalarini xomashyo bilan ta’minlash hamda qishloq hududlarida aholi bandligi va daromadlarini oshirishda muhim o‘rin tutadi. Mazkur tarmoqda ishlab chiqarishning mavsumiyligi, xarajatlar va tushumlar o‘rtasidagi vaqt tafovuti, tabiiy-iqlim sharoitlariga bog‘liqlik moliyaviy resurslarga bo‘lgan ehtiyojni kuchaytiradi. Shu sababli qishloq xo‘jaligi korxonalarini moliyaviy qo‘llab-quvvatlash mexanizmini takomillashtirish ularning barqaror faoliyatini ta’minlashning dolzarb ilmiy-amaliy masalalaridan biri hisoblanadi.