BOSHLANG‘ICH SINFLARDA INGLIZ TILINI O‘QITISHDA ONLAYN O‘YINLARNING O‘RNI

Abstract

Ushbu maqolada boshlang‘ich sinflarda ingliz tilini o‘qitish jarayonida onlayn o‘yinlardan foydalanishning ahamiyati va samaradorligi tahlil qilinadi. Zamonaviy ta’lim tizimida axborot-kommunikatsiya texnologiyalarining keng qo‘llanilishi o‘quv jarayonini yanada qiziqarli va samarali tashkil etishga xizmat qilmoqda. Ayniqsa, boshlang‘ich sinf o‘quvchilarining yosh xususiyatlarini inobatga olgan holda, onlayn o‘yinlar orqali ingliz tilini o‘rgatish ularning darsga bo‘lgan qiziqishini oshiradi, faol ishtirokini ta’minlaydi hamda so‘z boyligini rivojlantirishga yordam beradi. Maqolada onlayn o‘yinlarning ta’lim jarayonidagi pedagogik ahamiyati, ularning o‘quvchilarning motivatsiyasi va bilim olish samaradorligiga ta’siri yoritilgan.