KORXONALARDA BYUDJETGA TO‘LANADIGAN SOLIQLAR HISOBINI TAKOMILLASHTIRISHNING ZAMONAVIY YO‘NALISHLARI VA IQTISODIY SAMARADORLIGINI BAHOLASH

Abstract

Raqamli iqtisodiyotning jadal rivojlanishi, soliq tizimida amalga oshirilayotgan islohotlar hamda korxonalarning moliyaviy faoliyatida shaffoflikka bo‘lgan talabning ortib borishi bugungi kunda byudjetga to‘lanadigan soliqlar hisobini takomillashtirish masalasini dolzarb ilmiy-amaliy muammolardan biriga aylantirmoqda. Korxonalarda soliqlarni hisoblash va byudjetga o‘tkazish jarayonlarining to‘g‘ri tashkil etilishi nafaqat davlat byudjeti daromadlarini barqaror shakllantirishga, balki korxonalarning moliyaviy natijalari va investitsion jozibadorligiga ham bevosita ta’sir ko‘rsatadi.