ЎТКИР ЕНГИЛ ПАНКРЕАТИТДА ПАСТ ИНТЕНСИВЛИ ЛАЗЕР НУРЛАНИШИНИНГ ТИЗИМЛИ ЯЛЛИҒЛАНИШ ЖАВОБИ ВА ДАВОЛАШ НАТИЖАЛАРИГА ТАЪСИРИ

Abstract

Ўткир панкреатит замонавий абдоминал хирургиянинг долзарб муаммоларидан бири бўлиб, касалланиш кўрсаткичларининг ўсиши, касаллик рецидивлари ҳамда даволаш харажатларининг юқорилиги билан тавсифланади [1,3,5]. Касаллик патогенезида микроциркуляция бузилишлари, интерстициал шиш, маҳаллий ва тизимли яллиғланиш реакцияларининг фаоллашуви муҳим ўрин тутади [2,4]. Шу сабабли яллиғланиш жараёнини чеклаш ва тўқималар перфузиясини яхшилашга қаратилган патогенетик асосланган даволаш усулларини ишлаб чиқиш муҳим аҳамиятга эга.