TIJORAT BANKLARI KAPITALINING VAZIFALARI VA FUNKSIYALARI

Abstract

Bozor iqtisodiyoti sharoitida tijorat banklari moliya tizimining muhim tarkibiy qismi hisoblanadi. Banklarning barqaror faoliyat yuritishi, moliyaviy xavflarga bardosh berishi va mijozlar oldidagi majburiyatlarini bajarishi ko‘p jihatdan ularning kapital hajmiga bog‘liq. Bank kapitali bank faoliyatining moliyaviy asosi bo‘lib, uning iqtisodiy mustaqilligi va barqarorligini ta’minlaydi. Shu sababli bank kapitalining vazifalari va funksiyalarini o‘rganish bank faoliyati samaradorligini oshirishda muhim ahamiyat kasb etadi [1].