KICHIK BIZNES VA XUSUSIY TADBIRKORLIKNI QO‘LLAB-QUVVATLASHDA SUBSIDIYALAR MEXANIZMINI TAKOMILLASHTIRISH YO‘LLARI

Abstract

Bugungi kunda kichik biznes va xususiy tadbirkorlik iqtisodiy o‘sishning muhim drayveri sifatida namoyon bo‘lmoqda. Ushbu sektorni rivojlantirishda davlat tomonidan amalga oshirilayotgan qo‘llab-quvvatlash choralarining ahamiyati beqiyosdir. Xususan, subsidiyalar tadbirkorlik subyektlarining moliyaviy imkoniyatlarini kengaytirish, ishlab chiqarish xarajatlarini kamaytirish hamda yangi biznes tashabbuslarni rag‘batlantirishda muhim vosita hisoblanadi. Shu bilan birga, subsidiyalarni ajratish va ulardan foydalanish mexanizmlarida ayrim tizimli muammolar mavjud. Jumladan, mablag‘larning maqsadli yo‘naltirilmasligi, baholash mezonlarining yetarli darajada aniq emasligi va monitoring tizimining sustligi subsidiyalar samaradorligini pasaytiradi.