SVETOFOR BOSHQARUV TIZIMLARINING ZIDDIYATLI HARAKAT VAZIYATLARIGA TA’SIRI

Abstract

Yo‘l harakati xavfsizligini ta’minlash transport tizimining eng muhim vazifalaridan biri hisoblanadi. Aholi sonining ortishi, urbanizatsiya jarayonlarining jadallashuvi va transport vositalari sonining ko‘payishi natijasida shaharlarda hamda aholi gavjum hududlarda harakatni samarali boshqarish masalasi dolzarb ahamiyat kasb etmoqda. Ayniqsa, chorrahalarda transport oqimlarining kesishishi natijasida yuzaga keladigan ziddiyatli harakat vaziyatlari yo‘l-transport hodisalari (YTH)ning asosiy sabablaridan biri hisoblanadi [1]. Shu nuqtai nazardan, svetofor boshqaruv tizimlarining ziddiyatli harakat vaziyatlariga ta’sirini o‘rganish va baholash yo‘l harakati xavfsizligini oshirishda muhim ilmiy-amaliy ahamiyatga ega.