TA’LIMDA SUN’IY INTELLEKT: O‘QITUVCHINING YORDAMCHISIMI YOKI O‘RNINI BOSUVCHIMI?

Abstract

So‘nggi yillarda sun’iy intellekt texnologiyalarining jadal rivojlanishi ta’lim tizimida ham tub o‘zgarishlarni yuzaga keltirmoqda. Raqamli texnologiyalar, katta hajmdagi ma’lumotlarni tahlil qilish imkoniyatlari hamda avtomatlashtirilgan tizimlarning takomillashuvi natijasida sun’iy intellekt ta’lim jarayonining ajralmas qismiga aylanib bormoqda. Bugungi kunda sun’iy intellekt nafaqat axborotni izlash yoki testlarni tekshirish, balki individual o‘quv dasturlarini shakllantirish, o‘quvchilarning bilim darajasini tahlil qilish va ta’lim sifatini oshirishda ham keng qo‘llanilmoqda. Shu bilan birga, “Sun’iy intellekt kelajakda o‘qituvchining o‘rnini to‘liq egallaydimi yoki faqat uning faoliyatini qo‘llab-quvvatlovchi vositami?” degan savol dolzarb muammolardan biri sifatida muhokama qilinmoqda.