BO’LAJAK FIZIKA O’QITUVCHILARINI XALQARO BAHOLASH DASTURLARIDAN FOYDALANISHGA TAYYORLASHNING METODIK IMKONIYATLARI

Abstract

Globallashuv va raqamli texnologiyalarning jadal rivojlanishi sharoitida ta’lim sifati davlatlarning barqaror ijtimoiy-iqtisodiy taraqqiyotining asosiy omillaridan biriga aylanib bormoqda. Qiyosiy pedagogika sohasidagi zamonaviy tadqiqotlar funksional savodxonlik va kompetensiyaviy yondashuvni rivojlantirishga yo‘naltirilgan ta’lim tizimlari xalqaro baholash tadqiqotlarida yuqoriroq natijalar namoyon etayotganini ta’kidlaydi. Shu munosabat bilan PISA, TIMSS va PIRLS xalqaro baholash dasturlarining ahamiyati ortib bormoqda, zero, ular nafaqat akademik bilimlarni, balki o‘quvchilarning bu bilimlarni real hayotiy vaziyatlarda qo‘llay olish qobiliyatini ham o‘lchaydigan muhim vosita bo‘lib xizmat qiladi[4].