NAVOIY TARJIMALARI: TARIXIY JARAYON VA ASOSIY TARJIMONLAR

Abstract

             Mazkur maqolada buyuk mutafakkir va shoir Alisher Navoiy ijodining turli tillarga tarjima qilinishi jarayoni tarixiy-badiiy nuqtayi nazardan tahlil qilinadi. Navoiy asarlarining XVI asrdan boshlab fors-tojik, turk, rus va Yevropa tillariga tarjima qilinishi, bu jarayonda shakllangan tarjima an’analari hamda tarjimonlarning badiiy-estetik qarashlari yoritiladi. Maqolada Navoiy g‘azallari va dostonlari tarjimalarida uchraydigan muammolar - aruz vazni, badiiy tasvir vositalari, tasavvufiy ramzlar va milliy madaniy kontekstni qayta ifodalash masalalari muhokama qilinadi. Shuningdek, taniqli tarjimonlar faoliyati va ularning Navoiy merosini jahon adabiy jarayoniga olib chiqishdagi o‘rni tahlil etiladi.