АФРОСИЁБ ВА ВАРАХША ОБИДАЛАРИНИ ВИРТУАЛ ТИКЛАШ: ИЛМИЙ ИШОНЧЛИЛИК, РАҚАМЛИ МЕТОДЛАР ВА МУАММОЛАР

Abstract

Ўзбекистон тарихий обидаларини рақамли қайта тиклаш меъморий мерос муҳофазаси учун зарур илмий-амалий йўналишга айланди. Анъанавий чизма ва фотофиксация усуллари обиданинг геометрик маълумотини сақласа-да, тарихий қатламлар ўртасидаги муносабатни тўлиқ ифодалай олмайди [1]. Самарқанд ва Бухоро меъморий мактаблари композиция тамойили, конструктив тизими ҳамда тарихий шаҳар тўқимаси билан ажралиб туради [2]. Рақамли қайта тиклаш 3D моделлаштириш орқали бу қийматларни изчил талқин қилиш, келгусида эса VR/AR (виртуал ва кенгайтирилган реаллик) технологиялари ёрдамида тақдим этиш имконини беради.