IKKILAMCHI BUG‘LARNI KONDENSATSIYALASH JARAYONIDA FAZALARARO ISSIQLIK VA MASSA ALMASHINUVINING GIDRODINAMIK XUSUSIYATLARI
Keywords:
Kalit so‘zlar: ikkilamchi bug‘, kondensatsiya, issiqlik almashinuvi, massa almashinuvi, gidrodinamika, fazalararo sirt, kondensat plyonkasi, Reynolds soni, Prandtl soni, issiqlik uzatish koeffitsiyenti, bug‘ oqimi.Abstract
Annotatsiya. Mazkur ilmiy tezisda ikkilamchi bug‘larni kondensatsiyalash jarayonida fazalararo issiqlik va massa almashinuvining gidrodinamik xususiyatlari tahlil qilingan. Kondensatsiyalash jarayonining samaradorligi bug‘ oqimining tezligi, bosimi, temperaturasi, kondensat plyonkasi qalinligi, fazalararo sirtning holati hamda kondensatning harakat rejimiga bevosita bog‘liq. Tadqiqotda ikkilamchi bug‘ning sovituvchi sirt bilan o‘zaro ta’siri natijasida hosil bo‘ladigan kondensat qatlamining gidrodinamik holati, Reynolds va Prandtl mezonlari orqali issiqlik almashinuvi intensivligini baholash masalalari ko‘rib chiqilgan. Shuningdek, bug‘ oqimining turbulentligi, fazalararo sirtning yangilanishi va kondensat plyonkasining harakati issiqlik uzatish koeffitsiyentiga ta’sir qiluvchi asosiy omillar sifatida tahlil etilgan. Kondensatsiyalash qurilmalarining konstruktiv va rejim parametrlarini optimallashtirish orqali energiya samaradorligini oshirish imkoniyatlari asoslab berilgan.
