INGLIZ VA O‘ZBEK TILLARIDA “HEART” VA “YURAK” SOMATIZMLARINING PAREMIOLOGIK HAMDA LINGVOMADANIY TALQINI.

Abstract

Til va madaniyat o‘rtasidagi uzviy munosabat xalqning dunyoqarashi, tarixiy xotirasi hamda ijtimoiy tajribasida namoyon bo‘ladi. Ushbu munosabatni o‘rganishda xalq maqollari alohida ahamiyat kasb etadi. Chunki maqollar avlodlar davomida shakllangan hayotiy tajriba, axloqiy me’yorlar va ijtimoiy munosabatlarni ixcham, obrazli shaklda ifodalovchi paremiologik birliklardir. Ularni lingvistik jihatdan tahlil qilish tilning semantik imkoniyatlarini ochib berish bilan birga, xalqning madaniy qadriyatlarini ham anglashga yordam beradi.