MATERIALLARNING ISHLAB CHIQARISH KORXONASIDAGI TASNIFI

Abstract

Bozor iqtisodiyoti sharoitida ishlab chiqarish korxonalarining samarali faoliyat yuritishi ko‘p jihatdan moddiy resurslardan oqilona foydalanishga bog‘liq. Korxona aktivlari tarkibida materiallar muhim o‘rin egallab, ishlab chiqarish jarayonining uzluksizligini ta’minlaydi. Materiallar korxonaning ishlab chiqarish zaxiralari tarkibiga kirib, mahsulot ishlab chiqarish, ish bajarish va xizmatlar ko‘rsatish jarayonida iste’mol qilinadi. Shu sababli ularni to‘g‘ri tasniflash va hisobga olish korxona faoliyati samaradorligini oshirishda muhim ahamiyatga ega.