MAKROIQTISODIY OMILLARNING BANK LIKVIDLIGIGA TA’SIRI VA RISKLARNI KAMAYTIRISH YO‘LLARI

Abstract

Bank tizimining barqaror faoliyati mamlakat iqtisodiyotining rivojlanishida muhim o‘rin tutadi. Tijorat banklarining likvidligi esa ushbu barqarorlikning asosiy ko‘rsatkichlaridan biri hisoblanadi. Bank likvidligi deganda bankning o‘z majburiyatlarini o‘z vaqtida va to‘liq bajarish qobiliyati tushuniladi. Likvidlik darajasiga bankning ichki omillari bilan bir qatorda makroiqtisodiy omillar ham sezilarli ta’sir ko‘rsatadi. YaIM o‘sishi, inflyatsiya darajasi, foiz stavkalari, valyuta kursi dinamikasi, pul-kredit siyosati hamda tashqi iqtisodiy sharoitlar bank likvidligini belgilovchi asosiy makroiqtisodiy omillar hisoblanadi.