LALMI YER MAYDONLARI NORMATIV QIYMATINI ANIQLASHNING ILMIY-NAZARIY MOHIYATI
Keywords:
Kalit so‘zlar: lalmi yerlar, normativ qiymat, yer resurslari, iqtisodiy baholash, tuproq boniteti, yer kadastri, agroiqlimiy omillar, eroziya, GIS texnologiyalari, masofaviy zondlash, raqamli xaritalash, qishloq xo‘jaligi yerlari.Abstract
Annotatsiya. Ushbu maqolada lalmi yer maydonlarining normativ qiymatini aniqlashning ilmiy-nazariy mohiyati yoritilgan. Unda lalmi yerlarning iqtisodiy bahosi faqat maydon hajmi bilan emas, balki tuproq unumdorligi, bonitet bali, yog‘in miqdori, nam ta’minoti, relyef, eroziya darajasi, agroiqlimiy tavakkalchilik va xo‘jalik yuritish sharoitlari bilan bog‘liq holda baholanishi asoslab berilgan. Shuningdek, normativ qiymatning yer solig‘i, ijara munosabatlari, kadastr tizimi, hududiy boshqaruv va qishloq xo‘jaligi ishlab chiqarishi samaradorligini oshirishdagi ahamiyati tahlil qilingan. Maqolada lalmi yerlarni baholashda differensial, omilli va hududiy yondashuvlardan foydalanish zarurligi, shuningdek, masofaviy zondlash, GIS va raqamli xaritalash texnologiyalarini qo‘llash normativ baholashning aniqligi va amaliy ahamiyatini oshirishi ta’kidlangan.
