ЎТ ЙЎЛЛАРИНИНГ АСОРАТЛАНГАН ХАВФСИЗ КАСАЛЛИКЛАРИНИНГ ДИАГНОСТИК ХУСУСИЯТЛАРИ

Abstract

Ўт йўллари хавфсиз касалликларининг асоратланган шаклларини - перивезикал ўзгаришлар билан кечувчи ўткир холецистит, холедохолитиаз, механик сариқлик, Мириззи синдромини операциядан олдин аниқ ва ўз вақтида ташхислаш минимал инвазив аралашув ҳажми, кетма-кетлиги ва техникасини танлашни белгилайди.Ўт йўлларининг асоратланган хавфсиз касалликлари бўлган 128 нафар бемор иштирокида проспектив-ретроспектив тадқиқот ўтказилди. Диагностик алгоритм ноинвазив усуллардан инвазив усулларга босқичма-босқич ўтиш тамойили асосида тузилди. Ҳар бир усулнинг диагностик аниқлиги перивезикал инфильтрат, абсцесс, ўт пуфаги перфорацияси, механик сариқлик, Мириззи синдроми ва холедохолитиазни аниқлаш бўйича баҳоланди. Бунда сезувчанлик, спецификлик, мусбат ва манфий натижаларнинг прогностик қиймати (PPV, NPV), шунингдек, ROC эгри чизиғи остидаги майдон (AUC) ҳисобланди. Корреляцион таҳлил Спирмен усули бўйича амалга оширилди.