СУНЪИЙ ИНТЕЛЛЕКТ ЛОЙИҲАЛАРИНИНГ ИҚТИСОДИЙ САМАРАДОРЛИГИНИ БАҲОЛАШ
Keywords:
Калит сўзлар: сунъий интеллект, инвестиция лойиҳаси, соф жорий қиймат, маълумотлар сифати, J-эгри чизиқ, Монте-Карло усули, реал опцион, предиктив техник хизмат.Abstract
Аннотация. Мақолада анъанавий соф жорий қиймат (NPV) усули сунъий интеллект (СИ) лойиҳаси қийматини тахминан уч баробар ошириб кўрсатиши асосланган. Муаллиф томонидан маълумотлар сифати коэффициенти, логистик ўзлаштириш функцияси, Монте-Карло усулидаги таваккалчилик таҳлили ва босқичма-босқич амалга ошириш опциони билан кенгайтирилган NPV методикаси таклиф этилган. Методика «Ўзбекистон темир йўллари» АЖда ҳаракат таркибига предиктив техник хизмат кўрсатиш лойиҳаси мисолида апробация қилинди. Анъанавий ҳисобда NPV 529,1 млрд сўм ва қопланиш муддати 1,0 йил бўлса, кенгайтирилган ҳисобда мос равишда 175,7 млрд сўм ва 3,1 йил чиқди. 20 000 сценарийли симуляцияда ижобий NPV эҳтимоли 77 фоизни ташкил этди, босқичма-босқич амалга ошириш опциони кутилган қийматни 30,5 млрд сўмга оширади.
