BRICSNING ZAMONAVIY XALQARO TIZIMDAGI O‘RNI

Abstract

Ushbu tezis BRICS (Braziliya, Rossiya, Hindiston, Xitoy 
va Janubiy Afrika) tashkilotining zamonaviy xalqaro munosabatlar tizimidagi 
o‘rni va ahamiyatini tahlil qilishga bag‘ishlangan. Tadqiqotda BRICSning bir 
qutbli dunyo tartibidan ko‘p qutblilikka o‘tish jarayonidagi roli, shuningdek, 
uning global iqtisodiy va siyosiy boshqaruvga ta’siri o‘rganilgan. BRICS 
tashkiloti G‘arb moliyaviy institutlariga muqobil sifatida shakllanmoqda. 
Shuningdek, tashkilotning iqtisodiy, siyosiy, xavfsizlik va gumanitar 
sohalardagi hamkorlik yo‘nalishlari ham tahlil qilingan. Tadqiqot natijalari 
BRICSning global tizimda muvozanatli va adolatli tartibot shakllanishiga hissa 
qo‘shayotgan muhim xalqaro aktor ekanligini ko‘rsatadi.