BO‘LAJAK MAKTABGACHA TA’LIM PEDAGOGLARIDA KORPORATIV MADANIYATNI RIVOJLANTIRISHNING STRATEGIK-PEDAGOGIK ASOSLARI.
Keywords:
korporativ madaniyat, maktabgacha ta’lim, bo‘lajak pedagog, strategik-pedagogik asos, kompetensiya, mentorlik, refleksiya, kasbiy etika.Abstract
Mazkur maqolada bo‘lajak maktabgacha ta’lim
pedagoglarida korporativ madaniyatni rivojlantirishning strategik-pedagogik
asoslari nazariy va amaliy jihatdan tahlil qilinadi. Maktabgacha ta’lim
tizimining tez kengayishi, davlat va nodavlat tashkilotlar sonining ortishi,
muqobil ta’lim shakllari hamda pedagog kadrlarni malaka oshirishga bo‘lgan
ehtiyoj oliy ta’limda korporativ madaniyat kompetensiyasini alohida kasbiy
sifat sifatida shakllantirishni talab etadi. Tadqiqotda korporativ madaniyat
tushunchasi qadriyatlar birligi, kasbiy etika, muloqot madaniyati, jamoaviy
hamkorlik, tashkiliy sodiqlik va reflektiv o‘zini rivojlantirish elementlari bilan
izohlanadi.
Maqolada Scheinning tashkiliy madaniyat nazariyasi,
kompetensiyaviy yondashuv, tajribaviy ta’lim va hamjamiyatda o‘rganish
konsepsiyalari asosida strategik-pedagogik model ishlab chiqildi. Natijada
qadriyatlarga asoslangan o‘quv modullari, mentorlik, case-study, loyiha
faoliyati, raqamli portfolio va OTM-MTT hamkorlik laboratoriyalari eng
muhim strategiyalar sifatida asoslandi.
