HAVASKOR SPORTCHILARDA O‘ZIGA ISHONCHNI RIVOJLANTIRISHNING PSIXOLOGIK ASOSLARI

Abstract

Ushbu maqolada havaskor sportchilarda o‘ziga ishonchni rivojlantirishning psixologik asoslari ilmiy jihatdan tahlil qilinadi. O‘ziga ishonch sport psixologiyasida muhim shaxsiy-psixologik sifat bo‘lib, u sportchining murakkab vaziyatlarda o‘z imkoniyatlariga bo‘lgan ishonchi va harakat samaradorligini belgilaydi. Tadqiqotlarda aniqlanishicha, yuqori darajadagi o‘ziga ishonch sportchilarning stressga chidamliligini oshiradi, motivatsiyani kuchaytiradi va musobaqa jarayonida barqaror natija ko‘rsatishga yordam beradi. Maqolada Banduraning o‘zini-o‘zi samaradorlik (self-efficacy) nazariyasi asosida o‘ziga ishonchning shakllanish mexanizmlari yoritiladi. Shuningdek, ijobiy tajriba, verbal qo‘llab-quvvatlash, modeldan o‘rganish va emotsional holatni boshqarish kabi omillar tahlil qilinadi. Havaskor sportchilarda o‘ziga ishonchning yetarli darajada shakllanmaganligi ko‘pincha musobaqa oldi xavotiri va past natijadorlikka olib kelishi aniqlanadi. Natijalarga ko‘ra, psixologik treninglar, vizualizatsiya va maqsad qo‘yish texnikalari o‘ziga ishonchni rivojlantirishda samarali vosita hisoblanadi