TA’LIM XIZMATLARI O‘ZBEKISTON RESPUBLIKASINING IJTIMOIY-IQTISODIY RIVOJLANISHINING STRATEGIK RESURSI SIFATIDA

Abstract

Maqolada ta’lim xizmatlarining O‘zbekiston Respublikasining ijtimoiy-iqtisodiy rivojlanishidagi strategik resurs sifatidagi ahamiyati ko‘rib chiqiladi. Ta’lim xizmatlarining iqtisodiy mohiyati, ularning inson kapitalini shakllantirish, mehnat resurslari sifatini oshirish va mamlakatning innovatsion salohiyatini rivojlantirishdagi roli yoritiladi. O‘zbekistonda ta’lim sohasining zamonaviy rivojlanish tendensiyalariga, jumladan oliy ta’limning kengayishi, ta’lim xizmatlari hajmining o‘sishi va ularning milliy iqtisodiyot tarkibidagi ahamiyati ortib borishiga alohida e’tibor qaratiladi. Maqolada ta’lim xizmatlari samaradorligi nafaqat miqdoriy ko‘rsatkichlarga, balki ta’lim sifati, pedagoglarning kasbiy mahorati, talabalarning motivatsiyasi va ta’lim dasturlarining mehnat bozori talablariga mosligiga ham bog‘liqligi ta’kidlanadi. Xulosa sifatida ta’lim xizmatlarini yanada rivojlantirish barqaror iqtisodiy o‘sish, ijtimoiy barqarorlik va O‘zbekiston Respublikasining raqobatbardoshligini oshirishning muhim sharti ekanligi asoslanadi.