ISHSIZLIK TUSHUNCHASI TURLARI VA KELIB CHIQISH SABABLARI

Abstract

Ishsizlik bozor iqtisodiyotining eng muhim makroiqtisodiy muammolaridan biri bo‘lib, u mehnatga layoqatli va ishlash istagiga ega bo‘lgan shaxslarning ma’lum bir qismi ish topa olmayotgan holatni ifodalaydi. Xalqaro Mehnat Tashkiloti (ILO) metodologiyasiga ko‘ra, ishsizlar toifasiga ishga ega bo‘lmagan, ish qidirayotgan va qisqa muddat ichida ish boshlashga tayyor bo‘lgan shaxslar kiritiladi. Ishsizlik darajasi mamlakat iqtisodiy rivojlanishining muhim ko‘rsatkichlaridan biri hisoblanib, u mehnat bozori holati, ishlab chiqarish hajmi, investitsion faollik va aholi turmush darajasi bilan uzviy bog‘liqdir.