IS GAZI TA’SIRIDA IMMUNITET ORGANLARINING GISTOSTRUKTURAVIY QAYTA QURILISHI

Abstract

Uglerod oksidi (CO) yoki is gazi atmosfera havosini ifloslantiruvchi asosiy toksik omillardan biri hisoblanadi. Is gazining organizmga uzoq muddatli ta’siri natijasida surunkali gipoksiya rivojlanib, turli organ va tizimlarda, jumladan immunitet tizimi organlarida chuqur morfologik hamda funksional o‘zgarishlar yuzaga keladi. Immunitet organlari organizmning himoya mexanizmlarini ta’minlovchi murakkab tizim bo‘lib, ularning strukturaviy yaxlitligi immun javobning samaradorligini belgilaydi. Ushbu maqolada is gazi ta’sirida timus, taloq, limfa tugunlari va suyak ko‘migida rivojlanadigan gistostrukturaviy qayta qurilishlar, ularning patogenetik asoslari hamda immunologik oqibatlari tahlil qilingan. Surunkali CO intoksikatsiyasi natijasida limfoid to‘qimalarning atrofiyasi, limfotsitlar sonining kamayishi, mikrosirkulyator o‘zgarishlar va stromal elementlarning ko‘payishi kuzatilishi aniqlangan. Mazkur o‘zgarishlar organizm immun reaktivligining pasayishiga sabab bo‘ladi.