KLASTER VA HUDUDIY IXTISOSLASHUVNING NAZARIY ASOSLARI HAMDA IQTISODIY RIVOJLANISHDAGI O‘RNI

Abstract

Hududiy iqtisodiy o‘sishni jadallashtirishda klasterlash va sanoat ixtisoslashuvi muhim strategik yo‘nalishlardan biri hisoblanadi. Chunki zamonaviy iqtisodiyot sharoitida hududlarning raqobatbardoshligi mavjud resurslardan samarali foydalanish, ishlab chiqarish zanjirlarini integratsiyalash va yuqori qo‘shilgan qiymat yaratish imkoniyatlari bilan belgilanadi. Klasterlash mexanizmi korxonalar, xizmat ko‘rsatish subyektlari, ilmiy-tadqiqot muassasalari hamda infratuzilma tizimlari o‘rtasida o‘zaro kooperatsiyani kuchaytirib, innovatsion faollikni oshirishga xizmat qiladi. Shu bilan birga, sanoat ixtisoslashuvi hududning tabiiy, mehnat va investitsion salohiyatidan kelib chiqib, muayyan tarmoqlarda yuqori samaradorlikka erishish imkonini beradi