KIBERHUJUMLAR UCHUN DAVLATLARNING XALQARO-HUQUQIY JAVOBGARLIGI

Abstract

Axborot-kommunikatsiya texnologiyalarining jadal rivojlanishi zamonaviy jamiyat hayotining barcha sohalarini qamrab olgan bo‘lib, ayni paytda davlatlar xavfsizligiga qaratilgan yangi tahdid - kiberhujumlarning kuchayishiga sabab bo‘lmoqda. Kritik infratuzilma obyektlariga, davlat axborot tizimlariga va moliyaviy sohaga yo‘naltirilgan kiberhujumlar milliy xavfsizlik, iqtisodiy barqarorlik va xalqaro tinchlik uchun jiddiy xatar tug‘dirmoqda. Shu bois davlatlarning bunday hujumlar uchun xalqaro-huquqiy javobgarligi masalasi zamonaviy xalqaro huquqning eng dolzarb muammolaridan biriga aylandi.