TEXNOLOGIK MASHINA VA JIHOZLAR TA'LIM YO'NALISHIDA KASBIY KOMPETENSIYANI SHAKLLANTIRISHNING STRUKTURAVIY-METODOLOGIK MODELI

Abstract

Muhandislik ta'limida kasbiy kompetensiyani shakllantirishga qaratilgan mavjud xalqaro modellarning (ABET, CDIO, IEA) har biri muhandislik ta'limining ma'lum bir jihatiga — mos ravishda natijaviylik, loyihaviy faoliyat yoki institutsional talablarga — ixtisoslashgan bo'lib, ular texnologik mashina va jihozlar kabi tor ixtisoslashgan yo'nalishning raqamli-operatsion kompetensiyalarini yagona, alohida diagnostik struktura sifatida yetarli darajada konkretlashtirmaydi. Ushbu tadqiqotning maqsadi — kasbiy kompetensiyani shakllantirishning strukturaviy-komponent modeli va uni boshqaruvchi siklik metodologik tizimni ishlab chiqishdan iborat.