ZAMONAVIY KOMPYUTER TARMOQLARI TEXNOLOGIYALARINING RIVOJLANISH TENDENSIYALARI

Abstract

Ushbu tezisda zamonaviy kompyuter tarmoqlari texnologiyalarining rivojlanish tendensiyalari dasturiy ta’minot bilan boshqariladigan tarmoqlar (SDN), tarmoq funksiyalarini virtuallashtirish (NFV), 5G, bulutli hisoblash va Edge Computing, hamda ularning raqamli infratuzilmaga ta’siri qisqacha tahlil qilingan. An’anaviy, apparatga asoslangan arxitekturalardan dasturiy boshqariladigan va avtomatlashtirilgan infratuzilmalarga o‘tish jarayoni ko‘rib chiqilgan. Tahlil natijalari SDN va NFV infratuzilmalarining moslashuvchanligini sezilarli darajada oshirayotganini, 5G va Edge Computing esa real vaqt rejimida ishlaydigan xizmatlar uchun yangi imkoniyatlar yaratayotganini ko‘rsatadi.