ZAMONAVIY SHARQSHUNOSLIK TA’LIMIDA RAQAMLI MANBALARDAN FOYDALANISH: O‘ZBEKISTON VA BUYUK BRITANIYA TAJRIBASI

Abstract

Mazkur tezisda zamonaviy sharqshunoslik ta’limining raqamli transformatsiyasi, xususan, elektron kutubxonalar, raqamlashtirilgan qo‘lyozmalar, elektron kataloglar va raqamli ilmiy platformalardan foydalanish imkoniyatlari O‘zbekiston va Buyuk Britaniya tajribasi misolida tahlil qilinadi. Tadqiqotda O‘zbekiston Respublikasi Fanlar akademiyasi Abu Rayhon Beruniy nomidagi Sharqshunoslik instituti qo‘lyozmalar fondining elektron resurslari, Xorazm Ma’mun akademiyasida mavjud raqamli qo‘lyozma nusxalari hamda o‘zbekistonlik olimlarning raqamli ta’lim va madaniy merosni zamonaviy texnologiyalar asosida o‘rganish bo‘yicha ilmiy qarashlariga alohida e’tibor qaratilgan. Shuningdek, Buyuk Britaniyadagi Digital Bodleian, Fihrist va Cambridge Digital Library kabi raqamli sharqshunoslik resurslari bilan qiyosiy tahlil amalga oshirilgan. Tadqiqot natijasida raqamli manbalardan foydalanish sharqshunoslik ta’limida talabalarning manbashunoslik, mustaqil izlanish, qiyosiy tahlil va axborot kompetensiyalarini rivojlantirishga xizmat qilishi asoslangan