PEDAGOGIK KVALIMETRIYA ASOSIDA BO‘LAJAK O‘QITUVCHILARNING KASBIY TAYYORGARLIGI SIFATINI TAKOMILLASHTIRISH.

Abstract

Mazkur tezisda pedagogik kvalimetriya asosida bo‘lajak o‘qituvchilarning kasbiy tayyorgarligi sifatini takomillashtirishning nazariy va pedagogik jihatlari yoritilgan. Zamonaviy ta’lim tizimida pedagog kadrlarni tayyorlash jarayonining samaradorligini oshirish, ularning kasbiy bilim, ko‘nikma, malaka va kompetensiyalarini rivojlantirish, shuningdek, ta’lim sifatini obyektiv baholash muhim pedagogik vazifalardan biri hisoblanadi. Shu nuqtayi nazardan, bo‘lajak o‘qituvchilarning kasbiy tayyorgarligi sifatini aniqlash, mavjud kamchiliklarni o‘z vaqtida belgilash va ta’lim jarayonini takomillashtirishda pedagogik kvalimetriyadan foydalanish alohida ahamiyat kasb etadi. Tezisda pedagogik kvalimetriyaning mazmun-mohiyati, uning pedagogik ta’lim jarayonidagi o‘rni hamda bo‘lajak o‘qituvchilarning kasbiy tayyorgarligi sifatini baholash imkoniyatlari tahlil qilinadi. Pedagogik kvalimetriya ta’lim jarayoni va uning natijalarini muayyan ko‘rsatkichlar asosida o‘rganish, sifat o‘zgarishlarini aniqlash, olingan ma’lumotlarni tahlil qilish va asoslangan pedagogik xulosalar chiqarishga xizmat qiluvchi yondashuv sifatida ko‘rib chiqiladi. Shuningdek, bo‘lajak o‘qituvchilarning kasbiy tayyorgarligini takomillashtirishda nazariy bilimlar bilan amaliy ko‘nikmalar uyg‘unligini ta’minlash, mustaqil fikrlash, pedagogik vaziyatlarni tahlil qilish va kasbiy qarorlar qabul qilish qobiliyatlarini rivojlantirish masalalariga e’tibor qaratiladi. Mazkur ishda pedagogik kvalimetrik yondashuvdan foydalanish orqali bo‘lajak o‘qituvchilarning kasbiy tayyorgarlik darajasini aniqlash, ta’lim jarayonidagi mavjud muammolarni tahlil qilish hamda pedagogik faoliyat samaradorligini oshirish imkoniyatlari asoslab beriladi. Bunda zamonaviy pedagogik texnologiyalar, amaliy topshiriqlar, pedagogik vaziyatlar, kuzatuv va o‘z-o‘zini baholash kabi vositalardan foydalanishning ahamiyati yoritiladi. Pedagogik kvalimetriyani ta’lim jarayoniga tatbiq etish bo‘lajak o‘qituvchilarning kasbiy rivojlanishini muntazam kuzatish, ularning tayyorgarligidagi o‘zgarishlarni aniqlash va ta’lim mazmunini mavjud ehtiyojlarga muvofiq takomillashtirish imkonini beradi. Natijada pedagogik kvalimetriyaga asoslangan yondashuv bo‘lajak o‘qituvchilarni zamonaviy ta’lim talablariga mos ravishda tayyorlash, ularning kasbiy kompetentligini rivojlantirish va ta’lim sifatini oshirishning muhim omili sifatida namoyon bo‘ladi