UZOQ MUDDAT DAVOLANAYOTGAN BOLALARNI TIBBIY-PEDAGOGIK QO‘LLAB-QUVVATLASHNING DOLZARB MASALALARI.

Abstract

          Bolalik davri inson hayotidagi jismoniy, aqliy, ruhiy va ijtimoiy rivojlanishning eng muhim bosqichlaridan biri hisoblanadi. Ushbu davrda bolaning salomatligi bilan bir qatorda, uning ta’lim olishi, bilish jarayonlari rivojlanishi, tengdoshlari bilan muloqot qilishi va jamiyatga moslashishi ham alohida ahamiyat kasb etadi. Biroq turli kasalliklar sababli bolalar shifoxonalarida uzoq muddat davolanish ayrim bolalarning odatiy ta’lim jarayonidan chetda qolishiga, o‘quv faoliyatida uzilishlar yuzaga kelishiga hamda ijtimoiy aloqalarining cheklanishiga olib kelishi mumkin. Mazkur sharoitda tibbiyot va pedagogika fanlarining o‘zaro hamkorligi muhim ahamiyatga ega. Tibbiyot bolaning salomatligini tiklash, kasallik holatini nazorat qilish va davolash jarayonini tashkil etishga yo‘naltirilgan bo‘lsa, pedagogika uning ta’lim olish ehtiyojlarini qondirish, bilish faoliyatini qo‘llab-quvvatlash va rivojlanishidagi uzilishlarning oldini olishga xizmat qiladi