MOLIYAVIY INSTRUMENTLAR TUSHUNCHASI, MOHIYATI VA TASNIFLANISHI

Abstract

Moliyaviy instrumentlar zamonaviy bozor iqtisodiyotining muhim tarkibiy qismi hisoblanib, moliyaviy resurslarning samarali taqsimlanishi, investitsiyalarni jalb qilish va xo‘jalik yurituvchi subyektlar faoliyatini moliyalashtirishda muhim rol o‘ynaydi [1]. Jahon iqtisodiyotida moliyaviy bozorlarning kengayib borishi, xalqaro kapital harakatining jadallashuvi hamda investitsiya jarayonlarining murakkablashuvi moliyaviy instrumentlarning ahamiyatini yanada oshirmoqda. Shu sababli moliyaviy instrumentlarning iqtisodiy mohiyatini o‘rganish, ularni to‘g‘ri tasniflash va samarali boshqarish masalalari iqtisodiy fanlarning dolzarb yo‘nalishlaridan biri hisoblanadi.