ЎРТА ОСИЁДА ОЧИЛГАН ЖАДИД МАДРАСА ВА МАКТАБЛАРИДА ДИНИЙ ВА ДУНЁВИЙ ТАЪЛИМ ТИЗИМИНИНГ УЙҒУНЛИГИ

Abstract

XX аср бўсағасида шакллана бошлаган  жадидчилик ҳаракатининг вакиллари  миллатнинг ўзлигини танитиш, миллий-озодлик харакатини шакллантириш ва уни амалга оширишдек улуғ вазифани ўз олдига қўйган ва бутун Туркистон ўлкасини ҳаракатга келтирган буюк куч эди. Бу ҳаракатнинг раҳбарлари, намояндалари чет элларда таълим олган ёки тараққий этган мамлакатларда бўлган, Шарқ ва Ғарб маърифати, маънавиятини эгаллаган, илмга чанқоқ ёшлар эдилар. Улар мустамлака зулми исканжасида харобага айланиб бораётган она-Ватан жароҳатларига малҳам изладилар. Жадидлар, биринчи навбатда, маорифни, мактаб ва мадрасаларни тубдан ислоҳ қилиш, таълим-тарбия тизимини ўзгартириш, миллатни маънан уйғотиш учун кураш олиб бордилар.