ЯЛЛИҒЛАНИШГА ҚАРШИ ПРЕПАРАТЛАР ПОЛИПРАГМАЗИЯСИДА ҚАЛҚОНСИМОН БЕЗ ТЎҚИМАСИНИНГ ИММУНОГИСТОКИМЁВИЙ ТАВСИФИ
Keywords:
Калит сўзлар: қалқонсимон без, полипрагмазия, яллиғланишга қарши препаратлар, Ki-67, CD45, иммуногистокимё, пролиферация.Abstract
Аннотация:ушбу тадқиқот иши яллиғланишга қарши препаратлар билан полипрагмазия шароитида қалқонсимон без тўқимасида юзага келадиган морфологик ва иммуногистокимёвий ўзгаришлар ўрганилган. Тадқиқотда 30 та оқ зотсиз лаборатория каламушлари 4 гуруҳга ажратилиб, яллиғланишга қарши препаратларнинг турли комбинациялари қўлланилган. Қалқонсимон без тўқимасидаги пролифератив фаоллик Ki-67, иммун-яллиғланиш жараёнлари эса CD45 маркери ёрдамида баҳоланган. Натижаларда препаратлар сонининг ортиши билан Ki-67 экспрессиясининг пасайиши, шунингдек, CD45 экспрессиясининг назорат гуруҳига нисбатан камайиши кузатилди. Олинган натижалар полипрагмазия шароитида қалқонсимон безнинг пролифератив-регенератив имкониятлари ва маҳаллий иммун жавоби сусайиши мумкинлигини кўрсатган.
