VESTIBULYAR MIGRENDA VESTIBULYAR TIZIMNING PATOGENEZI VA KLINIK-NEVROLOGIK XUSUSIYATLARI
Keywords:
Kalit so‘zlar: vestibulyar migren, vestibulyar tizim, yarim doira kanallari, otolit organlari, vestibulo-okulyar refleks, vestibulyar yadrolar, talamus, insula, trigeminal-vestibulyar aloqa, markaziy sensibilizatsiya, ko‘ruv-vestibulyar integratsiya, nistagm, vertigo.Abstract
Dolzarbligi. Vestibulyar migren takrorlanuvchi vertigo va migrenga xos simptomlar bilan namoyon bo‘ladigan, epizodik vestibulyar sindromlarning eng ko‘p uchraydigan sabablaridan biri hisoblanadi. Kasallik klinik jihatdan ichki quloq, miya ustuni, miyacha va bosh miya po‘stlog‘i kasalliklariga o‘xshab ketishi mumkin, biroq uni tasdiqlovchi yagona anatomik o‘choq yoki patognomonik laborator biomarker mavjud emas. Ayrim bemorlarda vestibulyar sinamalar patologik bo‘lsa, boshqalarida yaqqol vertigo va postural beqarorlikka qaramay tekshiruvlar me’yorida qoladi. Ushbu nomuvofiqlik vestibulyar migrenni faqat periferik vestibulyar apparat kasalligi sifatida emas, balki periferik retseptorlar, miya ustuni, talamus, miyacha va multisensor kortikal tarmoqlarni qamrab oluvchi ko‘p darajali funksional buzilish sifatida o‘rganish zarurligini ko‘rsatadi.
