ХОРИЖИЙ ДАВЛАТЛАРДА ВАҚФ НИЗОЛАРИНИ ҲАЛ ЭТИШДА СУД АМАЛИЁТИ ВА ҲУҚУҚИЙ МЕХАНИЗМЛАРНИНГ ҚИЁСИЙ ТАҲЛИЛИ

Abstract

Вақф муносабатларининг ҳуқуқий барқарорлиги фақат уни ташкил этиш, рўйхатдан ўтказиш ёки бошқариш қоидалари билан эмас, низо келиб чиққан тақдирда қонун ва суд амалиёти қандай ечим беришида ҳам намоён бўлади. Айниқса, воқифнинг иродаси кейинчалик ўзгарганда, меросхўрлар вақф мулкини қайтаришни талаб қилганда, нозир ўз вазифасини лозим даражада бажармаганда, зуррий вақф даромадини тақсимлашда келишмовчилик юзага келганда ёки вақф мулки давлат ёхуд хусусий мулк билан аралашиб кетганда ҳуқуқий тизимнинг ҳақиқий имкониятлари кўринади.