ИШЕМИК ИНСУЛЬТДАН КЕЙИНГИ КОГНИТИВ БУЗИЛИШЛАРНИ КОРРЕКЦИЯ ҚИЛИШДА ТРАНСКУТАН ВАГУС НЕРВ СТИМУЛЯЦИЯСИ ВА EEG МОНИТОРИНГИНИНГ ИСТИҚБОЛЛАРИ

Abstract

Долзарблиги. Постинсульт когнитив бузилишлар беморнинг реабилитация натижаларини чекловчи асосий омиллардан бири бўлиб, улар диққат, хотира, ижро функциялари ва умумий когнитив фаолликнинг пасайиши билан намоён бўлиши мумкин. Замонавий нейрореабилитацияда нейропластикликни фаоллаштирувчи ноинвазив нейромодуляция усулларига, хусусан транскутан вагус нерв стимуляциясига қизиқиш ортиб бормоқда. Мавжуд илмий маълумотлар ушбу усулнинг постинсульт функционал тикланишда истиқболли эканини кўрсатса-да, когнитив функциялар ва бош мия биоэлектрик фаоллигига комплекс таъсири етарлича ўрганилмаган.