AHOLINI IJTIMOIY HIMOYA QILISHDA TRANSFORMATSION YONDASHUVLAR: “IJTIMOIY SHARTNOMA” VA DAVLAT XIZMATLARI IMTIYOZLARINING HUQUQIY MEXANIZMLARI

Abstract

Bozor iqtisodiyoti sharoitida ijtimoiy himoya tizimining asosiy maqsadi faqat aholining ehtiyojmand qatlamlariga nafaqa va moddiy yordam ajratish bilan cheklanib qolmasligi kerak. Zamonaviy yondashuv ijtimoiy himoyani inson kapitalini rivojlantirish, aholining iqtisodiy faolligini oshirish va kutilmagan ijtimoiy-iqtisodiy xatarlardan himoya qilishga yo‘naltirishni nazarda tutadi. Shu ma’noda ijtimoiy himoya tizimining transformatsiyasi davlatning fuqaroga nisbatan faqat yordam ko‘rsatuvchi subyekt sifatidagi rolidan uni iqtisodiy va ijtimoiy rivojlanish jarayonida qo‘llab-quvvatlovchi hamda imkoniyat yaratuvchi hamkor sifatidagi roliga o‘tishini anglatadi.