ONLAYN TA’LIM MUHITINING TALABALAR KOMMUNIKATIV MADANIYATIGA TA’SIRI: PEDAGOGIK IMONIYATLAR VA KOMMUNIKATIV XAVFLAR
Keywords:
Kalit so‘zlar: onlayn ta’lim, kommunikativ madaniyat, pedagogik madaniyat, ijtimoiy mavjudlik, pedagogik mavjudlik, raqamli muloqot, kommunikativ sharoit, teskari aloqa.Abstract
Annotatsiya. Maqolada onlayn ta’lim muhiti talabalar kommunikativ madaniyatini qanday shakllantirishi pedagogik madaniyat va kommunikativ sharoitlar o‘rtasidagi bog‘lanish asosida tahlil qilinadi. Kommunikativ madaniyat mazmunli fikr almashish, suhbatdoshga hurmat, dalil bilan ishlash, hamkorlik, raqamli mas’uliyat va o‘z muloqotini tahlil qilish qobiliyatlarini birlashtiruvchi shaxsiy-kasbiy sifat sifatida talqin etiladi. Tadqiqot nazariy-tahliliy yo‘nalishda bajarilib, xalqaro onlayn ta’lim nazariyalari U. Sh. Begimqulov, N. A. Muslimov, M. H. Usmonboyeva, N. N. Azizxo‘jayeva, H. T. Omonov va N. X. Xo‘jayevning pedagogik texnologiya, kasbiy kompetentlik va pedagogik mahoratga oid qarashlari bilan qiyosiy sintez qilindi. Tahlil onlayn platformaning o‘zi kommunikativ rivojlanishni ta’minlamasligini ko‘rsatadi. Natija o‘qituvchining muloqot uslubi, topshiriq arxitekturasi, ijtimoiy mavjudlik, psixologik xavfsizlik, ishtirok qoidalari, sinxron va asinxron faoliyat muvozanati hamda teskari aloqa sifatiga bog‘liq. Maqolada konstruktiv onlayn muloqotni ta’minlaydigan pedagogik shartlar tizimi taklif qilinib, ularning O‘zbekiston oliy ta’limi uchun ahamiyati asoslanadi.
